هل عرفتم شجرة القرفة

الشيخ عبد الرحمن السديس
الشيخ عبد الباسط عبد الصمد

ثورة الغضب في صور

فتافيت ربع قرن

القرفة شجرة صغيرة الحجم ولكنها طويلة العمر دائمة الخضرة لها اوراق على شكل قلب داكنة اللون عطرية الرائحة اما بالنسبة للازهار فهي كثيرة الأزهار وصغيرة الحجم وذات لون اصفر بهيج ، تصبح هذه الزهرة ثمرة عنبية الشكل سمراء اللون . يوجد نوعان من شجرة القرفة القرفة السيلانية والقرفة الصينية.

اما بالنسبة للجزء المستخدم من الشجرة فهو قشور اللحاء وهذه القشور سمراء اللون ومعروفة لدى الجميع فهي سهلة التكسير ولاذعة الطعم حريفة ولذيذة ورائحتها عطرية نفاذة حيث انها تحتوي على زيوت طيارة، اما بالنسبة للجذور تخرج منها فسائل كثيرة ومتعددة خضرية حيث تقطع هذه الفسائل من الجذور ثم تنزع عنها القشور وتكشط الأجزاء الداخلية والخارجية ثم تجفف ويتم ربطها في حزم وتصدر للبيع.
ومن العجيب ان زيت القرفة يستخرج من مخلفات الشجرة من فروع وقشور وثمار ....الخ.

كتب العالم العربي الرازي عنها كثيرا وكتب عنها الفراعنة في استخداماتها الطبية وفوائدها.
تستخدم القرفة لعلاج نزلات البرد والزكام ومشاكل الهضم وتستخدم ايضا لتغيير رائحة الفم حتى تصبح رائحته طيبة ومحببة لدى الناس ايضا يستخدمها الناس كشراب ساخن .

السلام عليكم يا استاذنا رمضان ابو خضره
القرفه ايضا بارك اله فيك
هي محرض ومنظم من الطراز الأول لعمليات الهضم.. ويطلق عليها علماء التغذية في فرنسا اسم: صديق الجهاز الهضمي.
اختيارك لهذا الموضوع رائع جدا
جزاك الله خيراً وفي ميزان حسناتك الى يوم الدين

السلام عليكم ..
أنا بسمع انه القرفة ( للوالدات حديثا ) يعني شراب نسائي
وحنا مالنا أخوي رمضان .. وأعجاب نور الدوايمة يعزز هذا الرأي !
أرجو التصحيح .. بس والله القرفة طيبة ..
لما نشم ريحتها بنعرف أنه في امرأة والدة في الحارة ..
شنسوي .. نسأل ونروح نبارك لزوجها !
على فكرة .. هذه عنصرية وأحتكار ..
يعني المرأة حملت وتعبت - وهنا على وهن - تسعة أشهر !
وحام وشقى البيت .. ونقص كلس وكل يوم والثاني ع الدكتوره
حامل بقدرش أعطيها دوا .. آلآم لا يعلمها الا الله ..
ثم ! طلق وأبرة طلق .. وعمري ما بعيدها !
وبعدين حضراتنا نروح نبارك لجوزها ..
على النقيض تماما من الحقيقة !
حبيت أتغشمر وياكم .. شرايكم !!!!!!!!!!

السلام عليكم
القرفه للجميع
صوت معنا لاحلى عشبه

ولا يهمك .. كلنا بنحب القرفة بس القرفة بتحب مين
عاشت القرفة وعاش محبوها
بالروح والدم نفديك يا قرفة
اللي يحب القرفة عنده ضمير
عن القرفة منستغناش
الشعب والقرفة ايد واحده
عايز تجدد نشاطك .. اشرب قرفة ونام
القرفة من غير حماتك أحلى

السلام عليكم استاذي الفاضل ابو خضره
يعيشك ربي على دعمك ويبارك فيك

سلمت يمينك استاذي الفاضل
ورزقك المولى من واسع فضله
مشروب القرفه ان اوانه
يحيا القرفه وتسقط امريكا
بارك الله فيك وأسعدك ورزقك كل خير َ

ماشي يا ست نور .. وكمان عشان خاطرك
لو أجتني بنت رح أسميها - قرفة - طبعا مش رح تيجي !!!!!
والله والله اليوم معزومين عند بنتى الوسطى
يعني فترة نقاهة والأولاد والبنات بيعزمونا
عشان كنت مريض والحمدلله على كل حال
وأخذت معي عودان قرفة وحين أعدادها يا نور الدوايمة سأتذكرك وأشرب حصتك !
وكله بثوابه ........

السلام عليكم يا ابو خضره الفاضل الكريم

الله يشافي كل مريض و عليل يا رب
يا أجود من أعطى
ويا خير من سئل
ارحم ضعفه وقلة حيلته
واعفني من وجعه.
ربي هو المداوي
وهو الشافي
اسال الله ان يشفيك
وعودين القرفه مع اليقين بالله شافيات باذن الله تعالى
والف سلامه والله عليك

السلام عليكم ورحمة الله
شو يا جماعة والله القرفة هيك رح اتحبكم مش انتوا الي اتحبوها على كل حال القرفة مش للولادات احنا كل يوم عنا الصبح غلوة قرفة يعني مشروب الصباح اتفضلوا شاركونا اهلا وسهلا
عمو ابو خضرة سلامات ما عليك شر

السلام عليكم ..
شكرا لكم جميعا .. القرفة طيبة بصحبتكم أكيد ..
وأنشاء الله نشربها سوا في الجنة .. قولوا يا رب .. آمين !
في مقولة عند التجار أنه لما الواحد تكون معاملته طيبة ومتسامح
بيقولوا عنه أنه ( قرفته طيبة .. بركة .. فيها فايدة ) هم يقصدون الربح طبعا !! ولكن أنا أعتقد أنه أدراج كلمة - القرفة - للتعبير عن حسن الخلق والمعاملة له دلالة واضحة أن - القرفة - فيها فائدة في كل الأحوال
لذلك أصارحكم .. صرت أحب القرفة .. ولو أني ختيار الآن ..
لكن أعذروني .. فما زال قلبي ينبض بالحب !!
مســـــــــــــاء الخيـــــــــــــــــــر ...

بسم الله الرحمن الرحيم

ايها الاحبة - السلام عليكو

على هونكو- ما ظل عليكو الا تحملو القرفة وتعتصموفيها امام مجلس النواب - زي ما تقول قايمين من طرحة والا طالعين من عتمه على ايش هازيطه
والا قلتو ابو ياسر مش فاظي ما انا قاعد بجاقم في هالختياريه- الى زي الختياره في الحج
والا قاعد في ملتقى الجذور والا وقعت في مطب في مرج الحمام وانا رايح علمزرعة
وانتو الواحد منكو خلا القرفه احسن من الحماه
معلش ابو وحيد مانت حماتك مش هان وبدكو تشربو القرفه زي الولدات والله حماتي
لما بتكون عندنا بكون الامن مستتب الله يطول في عمرها
وهاظا الصيف عندنا - و ديرو بالكو على الطبيخ - والحمدلله على سلامتك اخوي ابو وحيد
ظلك الهط قرفة والعافية من الله
اخوكم الى بحب كل اشي
ابو ياسر

يسعد لي هالصباح .. صباحك قرفة .. لأنه في ناس من قرايبك اللزم بيعملوها شراب صباحي .. وشكرا لك حسن المجاقمة والى الأمام أخوي .. والله يخليلك حماتك .. وكل قرايبك !
بعدين شو أخبار الزعتر والميرامية في المزرعة السعيدة ؟
بصراحة لا زال ذلك اللقاء العتيد في ذاكرتي حبيب قلبي !
انشاء الله يكون النا نصيب ونشوف - الولد الراعي - اللي استقبلنا في نواحيكم من غير حليب !
ونشوف فلسطين في الأفق البعيد من مركز المزرعة .. جهز الناظور !
بنسلم عليك ..