ادخل وعطني رأيك ..!..

الشيخ عبد الرحمن السديس
الشيخ عبد الباسط عبد الصمد

ثورة الغضب في صور

فتافيت ربع قرن

هذي قصه سمعتها اليوم من اختي وما اقدرت اكتم دموعي وقهري ..
طبعا قصه صارت لوحده من قريباتنا .. واعذروني بذكرها بالعاميه لانها ابغل في الكلام ..
هذي الله يطول بعمركم انا عندي عمه اسمها هند ..
عمتي هند هاذي ماعندها غير بنت وحده .. وماعندها اولاد .. ورجلها متوفي..
وطبعا اهي كبيره بالسن وايد يعني عجوزه عوده ..
ويآآآآآآآآه شكثر احب اصحاب هالسن وشكثر قلبي يحن عليهم ..
عمتي هاذي ساكنه بالامارت وتجي بالسعوديه زياره عند بنتها .. لان بنتها عايشه هنيه ..
المهم قبل فتره كانت عمتي بالسعوديه عند بنتها وصحتها مو ذاك الزود ..
يعني كل شوي تتعب .. وللأسف "رفضت بنتها توديها للمستشفى" ماندري ليش كل هذا بخل !!الله اعلم.
المهم بعد فتره بنتها سفرتها وردتها للامارات وهي تعبااااانه .. قعدنا فترة اسبوع الا والاهل هناك
يدقون على بنتها ترى امك تعبانه تعالي شوفيها ..
بنتها كان عندها تقريبا اربع زواجات وما قدرت تفرط فيهم ..
انتظرت لحد ما خلصت المناسبات وسافرت .. "سافرت وهي متضججججره ع الاآآآخر"
رجعت وجابت امها معها ..
والى الحين امها هنيه عندنا بالسعوديه ..
المهم كثير حريم بس يشوفون عمتي يقولون حق بنتها ودي امك المستشفى
وزيني لها تحاليل تتطمنين عليها ..
وكانت ترفض تقول الله معها مافيها الا العافيه ..
لحد ما خبرت امي ابوي وراح اخذ عمتي ووداها المستشفى وعملها تحاليل وياعمري عليها
طلع معها السكر والكوليسترول وروماتيزوم في المفاصل وحالته حاله ..
ابوي خلاها عندنا كم يوم وجت بنتها تقول ياحالي لو سمحت امي ما ارضى تنام في بيت غير بيتي
قالها ابوي هذي اختي .. ومارح تمنعين منها ..
وصار ابوي يسير عليها كل اسبوع ويعطيها فلوس منشان ما تحتاج حق احد ..
بس خساااااره بنتها كانت تاخذ كل ريال يدخل عليها ..
الى هنا الامور عاديه وتعودنا عليها من غير طبعا انها تطلع دايم وما تهتم بامها وتخليها بالبيت عند الخدامه
وعند بناتها ..
اللي صار وهذا الخميس هذا اللي طاف ..
قررت بنت العمه انهم يطلعون رحله بعد صلاة العشاء ..
دقت على بناتها المتزوجات وقالت تعالوا البيت .. ودقت على اخت زوجها ..
ودقت على سلفتها "زوجة اخت زوجها "
اجتمعوا بالبيت وطبخوا العشاء وحضروا كل شي وطلعوا بست سيارات ..
هي وبناتها سته وحريم عياله 3 ومن غير اخت زوجها وبنته 2 وسلفتها وبنتها 2..
وهم يركبون السياره قامت عمتي مسكت زوج بنتها "اللي كان مثل المداس حق مرته ياليته بس خاتم"
وقالت ارجوك تراني والله مجبوره ع الطلعه ولا انا تعبانه وخلوني على فراشي ..
قال بكيفك انتي وبنتك ..
بنتها حاولت فيها من هنا ومن هنا ومارضت عمتي انها تطلع ..
قامت بنتها رجعتها البيت وحطتها بالصاله وشغلت لها التلفزيون وجابت لها ماي ..
وطلعت وقفلت ابواب الشارع ..
تخيلوا بنت تسوي بامها كذا "حسبي الله عليك"
مرت ساعه ساعتين ثلاث وعمتي فديتها ما تدري وين الناس
على بالها انهم جلسوا بطلوا يروحون ,,
ورحمه من ربي ان الدور العلوي كان لبنت عمي يعني عمتي هند هي عمتها ..
كانت تودع اختها طالعه من عندها الساعه 1 .. وسمعت الباب اللي يفصل بين
الدورين يتحرك جابت المفتاح وفتحت لقتها عمتها هند ..
انصدمممممممممت وسألتها عمتي وين لطيفه "بنتها" ووين الناس
طبعا بنت عمي تدري انهم طلعوا للبر ..
قالت اللحين بيجون ..
ودخلتها البيت وحطتها على فراشها ورقت لبيتها ,,
زوجها زعل قال المفروض انك تطلعين عمتي فوووق وما تخلينها تحت بنتها قليلة ادب وما تستاهل
قالت والله انا ما احب ادخل بالكلام ومالي شغل واقنعت زوجها واقتنع ..
يوم صارت السعه 3 ونص بالليل ..
شرفت البنت "العاقه" وقالت لها عمتي يا بنتي وينك انا سألت اروى قالت اللحين بيجون
قالت انا ماقلت لك ان حنا بنطلع ولا انتي مجنونه ما تفهمين ..!!!
وقامت تهزئ بامها المسكينه ..
وحفيداتها بعد يقولون لها اف منك يا جدتي خربتي علينا بس الحمد الله ما قعدنا عشانك..
يآآآآآآآآآآآآآآآآآآآه وربي اني اكتب ودموعي متحجره بعيني ..
المهم بنت عمتي قفلت ع السالفه وههدت ياويلها لو تطلع ..
هذا من غير انها تسكتها بوسط المجلس .. وتفشلها قدام الحريم ..
يعين يوميات وتفاصيل لو بقولها لكم وربي بتنجون ..
كيف ان بنتها الوحيده وتسوي فيها كذا ..
وانا توني الحين دريت قبل اصلي المغرب وامي درت وكلنا صحنا..
وامي حلفت بس يرد ابوي من السفر بتخليه يجيب اخته عندنا معززه مكرمه ..
حسبي الله عليك والله يورينا فيك يوم يا لطيفوووه ..

ارجوووووكم ابي رايكم وش رايكم في القصه مو تقهر .؟؟؟؟؟؟؟؟؟!

مساء الخير .. مساء الأحترام لمشاعرك ..
ومساء الرحمة الساكنة في جنبات قلبك !

لقد كفيت ووفيت .. ولا عليك تجاه عمتك .. فقد ذكرتيها بالعطف والحنيــــــــة ..
بعكس بنتها اللي ما هي عارفه وش هو حق الأم .. غرتها الدنيا .. وبعد غرها
سكوت زوجها اللي شايف زوجته وش تعمل لأمها .. وساكت ..
مهي بكره رح ترميه لو حصل له حاجه .. لأنه مالها خير في امها ..
يبي حضرته يكون لها خير في زوجها ولا أولادها .. بكره تشوفين !
هذا كله دين ولازمن تسد الدين .. اليوم ولا بكره .. راقبي ورح تشوفين !
هذا أول هم .. تاني هم .. أقولك :
عندنا واحد عمان .. أهله مباسيط .. فلوس وكل حاجه .. هذا الشاب
ما كان يحترم امه ولا ابوه .. ما يطلب فلوس .. يسرقها ..
ويصرفها في طريق الشر وصحبة السوء .. وكان يقولهم : متى تموتون ؟
وأخلص منكم .. وماله فيهم دعوه .. ودايما منكد عليهم عيشتهم ..
المهم بيموت الأب .. بتموت الأم بعده بشوي ..
والشاب ياخذ كل ه الثروه .. ويتصرف بيها على هواه ..
يوم م الأيام .. الشاب ع سطح البيت .. يرتب السطح والأغراض اللي عليه
يقوم يقع من ايده " لوح صاج " ويجي ع راس واحد في الشارع .. يفتح راسه !
اخذو المصاب ع المستشفى .. دفع اجرة عمليات للراجل كل فلوسه ..
عمليه ورا عمليه في أغلى مستشفى .. باع البيت .. ويصرف ع الراجل ..
عمليات الدماغ مكلفة ..
بأختصار .. هو الآن .. لحد الآن عايش .. بيشحذ .. بمد ايديه للناس ..
اصحابه تخلو عنه وتركوه .. ولا حدا معاه .. انتهى !
والناس اللي كانوا مع بنت عمتك وراحوا البر معها وشجعوها ..
لهم حساب ثاني .. وبكره تشوفين ..
اما أنت وهلك .. ابوك وامك .. انشاء الله ربي يبارك فيكم ..
وهذا كله في ميزان حسناتكم .
وسلامتك ..

استاذي الغالي والله محد عالم بالحزن اللي صار فيني من هالسالفه ..

والمشكله ان بنتها صديقتي ومرة ولدها الكبير هم بعد صديقتي وحييييل شرهت عليهم..
الرحمه زينه تجاه كل الناس مو بس مع الام ..
وانا امس وانا اسمع السالفه اناظر بامي ودموعي ودموعها مو قادرين يوقفون ..
وللمعلوميه انا ماعندي صبر على كتابة مواضيع طويله ..
بس من الحره اللي بصدري كتبت كل هذا ..
الله يجزاك الجنه ..

بالله عليج همسة هالموضوع مالة حل ... تأخديين رييالج وامج وتروحيين تجيبي عمتج عند بيت الواالد الله يطول بعمرة بس ما يحتاج ملاااام ثاني همسة تري انا عصبت حد علي بنت عمتج والله هي التبي افسخ العقال واطقها تبي لها ضرب ورجججاله بعد ما اكو فايدة مع زوجتة الهي بنت عمتج مشكوريين همسة ادعو الله ان يشفي عمتج ويعافيها من كل مرض . بس تري لو ضلت عند بنتها حالتها تزداد وبعد الحين ما يصير لجدتي او جدي اخالة ويا الخادمة وبس ولا اي حد شيبة هدولا الخدم ما يهتموون فيهم الله يعين ..

مشكوريين همسة اخوج . ابوشوشة

والله العظيم ان هذى مناااااااي لكن بنتها ترفض ..

تقول هذي امي محد له دخل فيها ..
تخيل انها ترفض تخليها تبات عندنا لو يومين ..
شكلها تخاف عمتي تفضحها ..
وعمتي واقلبي وايد ضعيفه ومسكينه لا سألناها عسا مرتاحه ؟؟
تتحجر دمعتها تقول اي الحمد الله مرتاحه ..
والله العظيم ما ادري شقول اكثر بس معقوله حتى بناتها ولاوحده قلبها يحن على جدتها ..
بس يعطيك العافيه .. اخوي ما قصرت ..

اللهم اني لااسالك رد القضاء ولكن اسألك اللطف فيه.....
اللهم لاتبتلينا.....والله المستعان ويكون كله في ميزان حسناتكم....ويشفيلك كل مريض....
شمس

أختي الفاضلة حفظك الله لما قرأت هذه القصة ظننتها وهمية أو أنك قد قمت بنقلها من منتدى آخر ولكن لما أتممت القراءة لم أصدق ما تقولين ؛ وبلغت بي الصدمة لو أنك لم تذكري أسماءهم واتمنى أن تكون اسماء وهمية أو رمزية ،،،،

أختي الكريمة إن أخاها هو أحق بها من ابنتها وزوج ابنتها ،،، فهو أولى بأخته من الغريب ،،،

نتمنى على والدك والحال هذه أن يسترد أخته من بيت زوج ابنتها فهو أحق بها وهي مطلوبة منه لا من الرجل الغريب ،،،

رحم الله جدتي لأمي وهي من ثاني عرب ( ليست من بلدنا ولا من عشيرتنا ) قد جلست مشلولة في بيتنا ( خمس سنوات ) لا تقوى على قضاء حاجتها يرحمها ونحن نتسابق لبرها (( حتى ان أمي وأختي كانتا تجلسان تحتها حتى تقضي حاجتها في مكانها وهما تخدمانها وتنظفانها فما احتاجت لأحد بل كانت انظف من الأصحاء ، فماتت وهي راضية عنا تدعو الله لنا وكنت أجلس إلى جوارها أمسح بكفي عرقها البارد عن جبينها وهي في النزع الأخير من الروح وهي تدعو الله لي )) رحمك الله يا جدتي وجمعني بك في جنات النعيم ،،،

هل تعلمين أنني لا أسمح لزوجتي أن تطلب من أمها أن تساعدها بأي شيء وأقول لها واجب أمك عليكي ، وأستحيي أن أطلب من أمي أي شيء ولو حتى أن تطفئ النور وهي بجواره ،،،

نسأل الله الهداية لكل مسلم ،،،

أخوكم أحمد ،،،

الله يحفظ لنا امهاتنا وامهات المسلمين ..
ويرحم موتانا وموتى المسلمين ..
كل عواقب الدنيا ممكن تتأجل الا البر ...
ربنا يرده قبل الموت ..