وطريقك منفوخ منفوخ يا مصري !!

الشيخ عبد الرحمن السديس
الشيخ عبد الباسط عبد الصمد

2011/28 اكتوبر

وطريقك منفوخ منفوخ يا مصــري!!

عليه العوض ومنه العوض
حسبي الله ونعم الوكيل

أنا عصام علي عطا علي أنا اتحبس عشان أهلي فقرة
بس ربنا مش هيسبني،، ربنا كبير أقوي هو أحن عليا من البشر
(بوست على الفايس بوك: 7 أكتوبر 2011)

سبب وفاة عصام علي عطا حسب
التقرير الطبي في البلاغ 5537 إداري قسم مصر القديمة:
قئ دموي حاد أدي لهبوط حاد في الدوره الدموية
وتوقف عضلة القلب نتيجة تسمم غير معروف!
بس السبب معروف في طرة،، النفخ بخراطيم المايه
(بوست على الفايس بوك: 28 أكتوبر 2011)

عصام أتحبس عشان كان في مكان فيه خناقة في المقطم
ومامته بتقسم إن مالوش أي علاقة بالخناقة،،
ومع ذلك أتحاكم عسكريا،، وأخد سنتين سجن،،
وبعدين هرب شريحة موبايل عشان يكلم أهله بيها
كان جزاءه التعذيب حتى الموت،، نفخا بالمــــــاء!!

وطبعا التصريح الجديد لسيادة اللواء عيســوي:
نفــــخ بالمـــاء؟؟،،
ده الماية مقطوعة في الداخلية!!

عصام أتمسك عشان شكله بسيط،، أبن ناس فقرة
الفقره دول اللي ضحكنا عليهم،، قولنا لهم فيه ثورة في البلد
ومن حقكم تحلموا أن يبقى لكم حقوق فيها،،
ومن حقكم الناس تحترم آداميتكم،،
مش عشان فقرة تبقوا يا سرسجية يا بلطجية يا شمامين!!!

عصام حتى لو بلطجي،، يموت منفوخ ليه؟؟
طيب ما تنفخوا ولاد ميتين الكلب اللي نفخونا تلاتين سنة!!
عصام يموت ليه اصلا ،، وهو محكوم عليه بسنتين بس؟
عشان هرب شريحة موبايل جوه السجن؟؟؟
طيب ما تموت ولاد ميتين الكلب،، اللي هربوا فلوسنا بره!

لحد أمته الفقر والذل هايكلوا فينا
ونداس بالجزم،، ونموت تحت شعار،،
الشرطة في خدمة أم الشعب!!

الثورة قامت في تونس،،،
ومنعوا الفلول من دخول الانتخابات
المجلس التشريعي جه،، وكل التوانسة صوتوا برا وجوا!

الثورة قامت في ليبيا،،،
وأتحررت وجرعت نص فلوسها وأعادت هيكلة الشرطة
وقتلوا القذافي،،، وحطوا خطة البناء!

الثورة قامت في مصر،،،
عشان يبقى عندنا مُسمى وظيفي جديد اسمه،، ناشط سياسي
والناشط ده بقدرة قادر،، يطلع من شقة في مساكن شعبية
يشتري عربية BMW وشقة في مصر الجديدة
ويطلع يأوء لنا على الشاشة!!

الثورة قامت في مصر،،،
عشان نفضل نتسحل جوا وبرا عادي
نروح نعتمر يطلع عين اللي جابونا ونتذل ذل الكلاب
نروح نشتغل ،، يقولوا مواطنين ملهمش صوت في الانتخابات
تفضل في البلد،، نموت مدهوسين مسحولين منفوخين!!

الثورة قامت في مصر،،،
عشان كل فِل ينبت 100 فِل غيره كل دقيقة
الفلول بتستحدث من عـدم في مصــر
والبركة في الجوع والفقر!

الثورة قامت في مصر،،،
بس مصر لسه ماقامتش فيها ثورة!!

السلام عليكم ورحمه الله وبركاته
متفق معك فى كل ما قلت و مختلف معك فى تشاؤمك المبالغ فيه
على فكرة شيخ الازهر رفض مقابله وزير خارجيه ايطاليا بالامس الا يدل ذلك ان هناك ثورة قامت ولكننا نتعجل النتائج
يمكن الحكم على الثورة بعد عامين على الاقل

سبب رفض المقابله هو ان وزير الخارجيه تأخر عن موعدة

الموضوع المذكور مش مني ..
الموضوع منقول من مدونة فتافيت ربع قرن بأذن من صاحبة المدونة
يمكنك الدخول اليها والرابط موجود على يمين المنتدى / مواقع صديقة
----------------
طبعا .. مش الريس اللي عين الشيخ بتاعه ؟
خلاص .. بس طلع جدع بحق وحقيق ..
بس يا ريت يطلع لنا فتوى يقفل كباريهات الهرم وملاهي شرم الشيخ
والبحر الاحمر لا مش يقفل البحر .. يقفل شواطىء العري والفجور والفنادق وصالات القمار !
يا ريت يطلع فتوى تحرم على المنتجين تصوير افلام خاصة واباحية للممثلات المشهورات
عشان م يطلعش واحد عبيط ويقول احنا اللي علمنا العرب الفن والتمثيل !!
الله يرحم الشيخ طنطاوي .. دا الازهر مفخرة لكل العرب ..
ونت شفت اللي عمله في حرب غزه .. انت فاكر ؟
مساء الخير ..

انا فاكر مساء النور
انا لا احب التشاؤم واعلمى اختى العزيزة ان التدرج من السنن الكونيه الواردة فى القران و الذى تم تدميرة فى البلد يحتاج الى وقت طويل وهناك كتاب رائع للازهرى الرائع الجميل والمربى الفاضل سيدنا الشيخ محمد الغزالى اسمه كيف نتعامل مع القران رحمه الله عليه

السلام عليكم
فنحن كعرب اكيد قلوبنا مع بعض
وأنا كفلسطينيه دوايمه
أتمنى من الله أن يمن على بلادنا العربيه بالخير
والأستقرار .......ولن يكون ذلك في ظل نظم أفقرت شعوبها وأرهبتها حتى تتنازل عن كرامتها وحقوقها
نحن مع شعب مصر كما نحن كنا مع شعب تونس وسنكون مع أي شعب يثور ليتحرر من أرهاب الحكام وزبانيتهم
اللهم احفظ شعب مصر واحفظ مصر من كل مكروه وفرقه وفتنه
اللهم أعز الإسلام والمسلمين في كل مكان واحفظهم يا رب يا كريم
ندعوا الله تعالى القادر القاهر أن يمن على مصر العروبة وشعبها بالأمن والامان
وأن يحقق العدل والمساواة على يد قائد مؤمن يخاف الله في نفسه وشعبه
وجزاكم الله خيرا

هي مصر قامت من قليل
مصر يمه يا بهيه يم طرحة وجلابيه
دي شافت المر وشافت القهر
وشافت انه خلاص مفيش فايدة
فقامت وخدت ف رجليها كل الحراميه
وكل البلطجية
في اليمن وليبيا وفي سوريه

السلام عليكم
لا حول ولا قوة الا بالله
نسال الله الفرج لجميع امة محمد
شكرا لك

سيدتي نور الدوايمه .. هل يرضيك هذا ؟
هم يقولون الأعلام المضاد للثورة يقول ان هؤلاء اللي بينضربوا واللي بيتعذبوا في أقسام الشرطة قال ايه .. مندسين وعملاء وعايزين يخربو البلد !!
اما الطرف الآخر برغم التنكيل والأذلال والسحل في الشوارع وأنتهاك الأعراض هم من يريد الخير للبلد .. هم من يريد الأمن .. هم من يريد انعاش الأقتصاد وهم من يريد تفعيل كرامة المواطن ! وفي الحقيقة انهم يريدون من الأعلام ان يثبط عزيمة الثائرين بواسطة التخدير على ان الله تعالى خلق الدنيا في ستة ايام وليش مستعجلين ؟
مهو المكتوب باين من عنوانه .. بعد سنة من الثورة لا يزال كبار السارقين والمتعاونين مع النظام السابق لا يزالون على رأس عملهم .. وربما شكلوا وجوها غير الوجوه المألوفة !
بعد مرور سنة على الثورة لا تزال المحاكم منعقدة بينما كان النظام السابق بنفس القضاة ونفس النائب العام عندما يقدمون احد الأخوان المسلمين للمحاكمة .. كانوا يقدمونهم الى محاكم عسكرية وهم مدنيون شويه ويحكمون عليه عشرين سنة فيموت تحت التعذيب
واللي خربوا البلد ونهبوها وتآمروا مع أعدائها وأفسدوا أخلاقها ..
عادي هم موجودون في فنادق وحراسة وتأمين كافة طلباتهم .. وعلى ايه مستعجلين يا مواطنين .. اللي صبركم تحت الذل والأستعباد آلآف السنين يصبركم ميت سنة كمان
فين المشكلة ولا هي الأجندات الأجنبيه والدعم الأمريكي للجمعيات والمنظمات
واحد على الجزيرة مباشر مصر قال ان الجيش مش انا اللي قلت قال بياخذ دعم من اميركا مليار ومش عارف كام وسأل الراجل مقابل ايه الدعم ده ..
عاشت مصر حرة أبية ..
الشعب والجيش وكل الأحرار ورحم الله تعالى الشهداء
انا لا اسميهم الله تعالى يعلمهم ..
لكن الظلم مش كويس .. الظلم يعود على صاحبه وعلى من يرضى به وعلى من يتعاون معه
يعود عليه بالخيبة والوكسه وعقاب تعالى .. العقاب الشديد
( يا عبادي اني حرمت الظلم على نفسي وجعلته بينكم محرما )
فكيف يؤيد الظالم وكيف تتم اعانته ومساندته وكيف يكون الدفاع عنه ؟
اقول لمن يدافع عنهم اليوم امام القضاء .. من يدافع عنكم غدا أمام الله ؟
هم يريدون للناس ان تسكت وم تتكلمس خالص

ونحن مأمورون ان ننهى عن المنكر والله عز وجل سيحاسب الجميع !!

» مصري يخووووووووووووووووووف
» عشان انت مصري
» موقع لكل مصري
» فصل تلميذ مصري من الكويت لسؤاله عن "الثورة"
» مسؤول مصري: الأسد باع الجولان لإسرائيل بمائة مليون دولار