سجل معنا واحكيلنا شو هدفك !!!

الشيخ عبد الرحمن السديس
الشيخ عبد الباسط عبد الصمد

السلام عليكم
صراحة اريد ان اسال كل من يقراء هذا الموضوع ما هو هدفك في الحياة؟ وهل وضعت خطة لتحقيق هدفك؟
في الغرب..حصة أسبوعياً بالمدارس لتعليم الطفل كيف يكون له هدف في حياته.. وعندنا لا يعرف الشباب لهم هدفاً الحقيقيةفالهدف يجعلك جاداً، تتقن عملك. تشعر بالمسئولية، تحافظ على وقتك، وتحرص على طاعة الله. نواصل كَسْر القيود التي تَحُولُ دون أن يكون الشباب إيجابياً، نافعاً لنفسه وبلده.
فهدف بلا مجهود = أحلام.
ومجهود بلا أهداف = وقت ضائع.
وهدف + مجهود = تغيير الدنيا.
جئت لا أعلم من أين ولكني أتيت
ولقد أبصرت قُدَّامي طريقاً فمشيت
وسأبقى سائراً إن شئت هذا أم أبيتُ
كيف جئت؟ كيف أبصرت طريقي؟ لست أدري.
كيف نخطط بطريقة علمية صحيحة لتحقيق أهدافنا؟
لكي تحدد هدفك، اذهب إلى مكان هادئ، واكتب كل أحلامك التي تتمنى أن تحققها. في ورقة أخرى اكتب نقاط القوة فيك ونقاط الضعف بصراحة. ومن بين نقاط قوتك وضعفك، سوف تصل إلى هدفك. قم باستشارة من تراه أهلاً للثقة ودعه يساعدك ويناقشك في اختيارك لهدفك. قم بتحويل هدفك النهائي لأهداف مرحلية.. قم بتحقيقها واحداً بعد الآخر وعينك على الهدف النهائي.
حدد لنفسك خطة زمنية لتحقيق هذه الأهداف المرحلية. هذا هو التخطيط.
والان ما هو هدفك بصراحه

سؤال جيد وفكرة مبتكرة .. الأخت دوايمية :
لم يتعود جدي وجدك التخطيط ولم يترسخ في جيناتنا الا ربما قليلا منا ممن فتح الله عليه وذلك بفضل الله تعالى .. هناك الكثير من ابناء الدوايمة المبدعين .. وفي مجالات مختلفة .. وأنت واحدة منهم !
دخلتك على المنتدى بهذه الصورة القوية وأسلوب التعبير يدل وأختيار المواضيع التي يغلب عليها طابع الحداثة
في التفكبر واعداد الأنسان لمواجهة الطوارىء
زمان كان هناك خمول فكري .. البيئة وطبيعة العمل والتعليم لهم الأثر في تكوين الأفكار والقيادة المجتمعية
والنبوغ .. التطلعات قديما لم تكن تتعدى ان تلد البقرة او يستوي القمح او تلد فلانة ولدا ذكرا ..
وألف لا للبنات !!!!!
وكان هذا جزء من أسباب التخلف .. فالركون والأعتماد على جناح واحد للأرتفاع والتقدم كان خطأ جسيما !
ما علينا .. اجدادنا الله يسهل عليهم عملوا الى ما افضوا اليه وكانوا كراما وأصحاب مروءة متميزة
بالنسية لي انا ابو خضرة .. فقد انتهت مدة صلاحيتي وليش اغلب حالي ف هالدنيا التي لا تستاهل !
انا الآن أنظر الى عاقبة مريحة .. أتحصل فيها على رضى الله ..
ليس عندي هدف دنيوي نشط ! الستر والصحة ورضى الله فقط !
شكرا لك .. والبركة في الصبايا والشباب !

انا نفسي بشغلات كثير بس مش عارف هي هدف ولا لأ ..

السلام عليكم يا ابو خضره
اشكرك على جمال جمال ردودك بعيد عن المديح لا سمح الله
جميل نعرف النتيجه والاجمل هو التيقن في المبدأ
ابوخضره
عرفتك المعطاء والعصري بيقين من الله والمتأمل برجاء من الله
ادعوك لتكمل معي المشوار وتضع معي اجمل هدف مشترك
فلاتقل لي ما لي هدف
بالعكس ان الاوان ان نطمح وهنا البدايه تارينا يا ابو خضره
ما قدمنا شيء لغاية الان كل ما قدمناه ما هو الا الواجب علينا
وياللا ايد بايدك ونحن وجميع الاعضاء لنرسم هدف ونحفظ طالما هناك لبنه اساسيه
معنونه باسم ابو خضره
ننطلق من هنا ونقول نعم للاسره الممتده مثل زمان ابوي وابوك يا ابو خضره
كانو في الخيم معا يفصلهم الستاره البريئه
ياللا سوا نجمع اولادنا ونحفظ اسرنا ونربي احفادنافي الدار بحوش واحد
منهم الطبيب والمهندس واخر الممرض وذاك المساح
نعلى ونسمو باسلوب راقي ونبعد عنهم العلمانيه
ونعطيهم دورات في فنون عاداتنا وتقاليدنا القيمه
والملتزمه بعيدا عن العصبيه القبليه والتعصب
ومعكم سوا دايما وابدا يا ابو خضره
فبارك الله لك جهودك وسدد بالخير والعطاء دربك
وفقك الله وأثابك ونفع بك
وجزاكم الله خيرا

تقول السيدة الفاضلة نور الدوايمة : (( ياللا سوا نجمع اولادنا ونحفظ اسرنا ونربي احفادنافي الدار (بحوش واحد)
منهم الطبيب والمهندس واخر الممرض وذاك المساح
نعلى ونسمو باسلوب راقي ونبعد عنهم العلمانيه
ونعطيهم دورات في فنون عاداتنا وتقاليدنا القيمه
والملتزمه بعيدا عن العصبيه القبليه والتعصب ،،،))

أقول لها سامحيني : لأنه أحلامك في نظرهم قديمة متخلفة اليوم الولد والبنت طلعوا عن شور الأهل الولد بيقول هذول معقدين والبنت بتقول (هدا تخلف ) !! هم نظرتهم لخوفكم عليهم وعلى مستقبلهم ولمحبتكم الهم نظرة احتقار مابيعرفوا كم انتم أفهم منهم ولا كم خبرتكم في الحياة ،، هذا جيل بس بيفهم شوووو اكل سنكرز وهامبرغر وكتكات ولا بلاش الكتكات لأنه سعودي بطل ينفع !!! هذا جيل رضع دراما سورية !! وغرام هندي مدبلج !!! وعشق مجنون تركي !!! والنتيجة جيل مشوه مخزي غبي ،،، ما فيه أمل الا اذا في معجزه ربانيةتحييه من جديد هيك يعني ربنايبعثر القبور ويطلع لنا جيل صاحي بدل هذا الجيل المغيب ،،، هههههه عجبتني الجيل المغيّب ،،، جيل مهستر اغاني الموظه لحست مخه وهزهزات الفنانات السوبر ستار طرقعت عظامه ،،، والا شباب اليوم (الجيل الكييف ) عنجد قريت قبل فتره عن الجيل الصاعد الجيل الكييف : بتسألوني كيف يعني كييف ؟؟!! (ولد بيقطع الشارع الصبح عيون مقذيه مش متوظي ولا بعرف قبله ،،، شعره ناقع جل وعامل فيه كل التظاريس المعروفة والمش متوقعه !!! بنطلونه زاحل لأ قصدي ساحل ،، النظاره ملزقه على راسه مع الجل وسيجارته مليانه رياله لأنه مش فاظي يقيمها من ثمه غير لما تحرق براطمه ويتفها لأنه إيديه ببساطه وحده قابظه كاسة قهوه - بن العميد - والثانية قايظه الخلوي خوف ينتشل في المجمع لأنه طالما السلك في ذانه وماشي بيخرف بحاله معناته أكيد على جنبه خلوي بدهاش حداقه ،،، وسلامتك وتعيش ولا تقولوا ليش سايق التكسي الحزين دعسه ،،، لااااااا حبيبي هو تعرقل في التكسي من حاله ،،، !!! جيل غميان !!!

السلام عليكم .. أشتقنالك يابو مطر .. بس أنت جاي بدري .. أنا توقعت تطل علينا في شهر 11 .. والخير في ال جايات !!
ابو مطر .. ما يصير جذي يا ولد العم ..
شاركتنا بقوة في الأول وبعدين الله يهديك .. هديت شوي .. وبعدين قلت عدولي !!!!
على كل حال أهلا بك وأسعدني حضورك ..
ويا ليتنا .. ويا ريتنا نظل سوا .. عشان المركب تمشي بقوة أخوي
حتى نكون أقوياء .. ولنا حضور .. من الضروري أن تتشابك أيدينا
هذا المنتدى لكل الناس عامة ثم هو خاص لأهل البلد .. ثم هو خاص للحبايب
فأنظر ماذا ترى ..
خلينا سوا ..

والله أنا اشتقتلكم أكثر يا خال بس مش بيدي هموم الدنيا منها لربنا - سدقني فكرت حالي نسيت كلمة السر تبعتي !!!

((فانظر ماذا ترى !!!! ))

بتعرف مرات الكلام الفصيح بيحنحن على بالي ،، والكلمات بترفرف جوات حنجرتي بعاود بخجل من واقع امتي وبقول يا ولد بلااااااش بدهاش فصحنه ،،، بلاش تتخيل حالك خالد بن الوليد ولا ابو دجانه منت عارف حالك شوووا نت وشوووو واقع امتك المخزي ،،، خليك فلاح ابن فلاح احسن اقل ما فيها لسه حليب امك الأصيله بيرقع في دمك !!! آآآآآه يرحم ايام فوط الشرايط وبح يمه بح و(لكن الغسيل) مرفوع على عجل كاوشوك عشان ظهر امي ما ينحني من كثر البح ولا القعدة على لكن العجين تعجن وتستنى العجين لما يخمر ولا ليش تستناه ماهي بدها تروح تكنس تحت الغنمات وتلم الجله من عند البقرات وتجمع البيظ البلدي وملعون قلب أبوه البس ماشل (ماكل) الفروجة الزركا !!! المهم بتخمر العجين بكون حمي الفرن بتخبز النا الخبز السخن وبتعطيني (دعبوبه) زغيره الي لحالي سخنه من ثم النار !!! وينهن نسوان زمان وينهن ؟؟!!!

بدكو تقولو من وين الها كل هالوكت لاااااا ما بيطلعلكو السؤال لأنه ببساطه ما في سطلايت يسطل النسوان طول اليوم !! من قناة (البسي) لقناة (ام بوسه) وظعنا وظاعت جيالنا ويااا غراب البين ازعك عليهم وعلي اللي جرالهم واللي راح يجرالهم !!!

أحسنت الرد .. وعلى رأيك بدها شوية فضفضة
أحيانا الكلمة العامية في وسط زحمة الكلام الفصيح ! تفعل فعل السحر ! ممكن تسميها نكشة مخ !! لما يكون المخ ملبد أو مبلد فتحدث فيه صعقة
يقوم يصحى زي المظبوع لما يضرب راسه بباب المغارة
عالعموم .. أنت كما أنت رائع .. وعلى أية حال كنت .. عن جد
خلينا سوا ...

=red]=24]وينك يابو ياسر

رد على هالفلاحين

أمين الجشرشات

واظبعهم [/size]

بسم الله الرحمن الرحيم

السلام عليكم – اشتقنالك يا ابو مطر

يا خوي يا مطر اولا كل عام وانت وكل قرايبك بخير انشاء الله
ثانيا : بهون عليك تتركني لوحدي قدام هظولا الناس الى ما بخافو
من ----------
ثالثا: بقو في بلدنا زمان الله يرحم ايام زمان بقى لما يغيب واحد من
الحموله اكثر من يوم تشن ختيار بقول ياولاد روحو دورو عليه كود
واحد قتلو ودبو في احظا ها لبيار والا الظبع اكلو بتلقو اعظامه عند
الموتشرة وناس يروح نحيت العرب غربه كود سوولو حاجة
على كل حال اذا مالقيتوه خلينا نوخذ قصاص الاثر ودور معانا عليه
وهناك من غير شر لا شرطة ولا حكيم ولا اسبطار
واذا القتوه في الدار وخايف سولو طاسة الرجة ماهي عند امه واذ
ياخوي بكح خذو معكو عظمة الذيب ولا حطولو خرزه زرقا
اخوي يا مطر خطره واحد بسالني بقولي شفت متري قلتلو
انا في هالليل مش شايف السياره تني اشوف مترك راح الزلمه
مسسخ ووقع على الارظ وبقلي يا بني ادم متري زلمه مش متر
وانت يا خوي يا مطر والله بقيت اسال الناس في كل عزا للدوايمه
اقولهم يا اخوان شفتو مطر يقولو شو مالك بدك تلبس فروة في الصيف
وهظا كلو منك وكمان وانا بلف على الختيارية من الدوايمة واسالهم
عن الي ظاع في تركيا والا انكتل في الطوشة التشبيرة ومين الي
اخظوها غرة ومن ها الحتشي والا مين العجوز الي دقت الوتد في
ثوبها وعشانها سموه طور العجايز
بعدين انت قلت بتعرفني – معرفتش زقني في احظا العزيات تبعات
الدوايمة وتقولي كيف حالك يا عم ابو ياسر خليني اعرفك وهظا
بيني وبينك واذ لا سمح – لاسمح – لاسمح الله انك غيبت عنا
اجي ادور عليك مش يا خوي الزيارة واجبة على المسلمين
والا – لا – بس انت شاورلي وانا باجي -او شوح بمنديلك
او حط ارنب بجيبتك خليني اعرفك اخوي انت السبع
وخلينا سوى
والسلام عليكم وكل عام وانتم بخير

ابو ياسر

0