خلتي يا خلتي

خٌلتي يا خٌلتي يا خٌلتي
انا عربي اصيل يا خٌلتي
وبأصالتي بتكمن علتي
ما أقبل الضيم بأرضي
ما أقبل الضيم بعرضي
ما أقبل الضيم بملتي يا خلتي
كيف ينضحك علينا كيف ؟
وكيف يقبلها على نفسه العربي؟
وحنا النشاما رجال السيف
رجال الحق من سلالة نبي
حيف على لحانا حيف
يحلقها الموس الأجنبي يا خلتي
انا كنت ارعى الغنم في البراري
واسمع اخباركم من راديو ترنزستور
اخباركم شوشت افكاري
قلت أشوف بعيني واستخبر
وجيت تهت
صرت مش داري مين فيكم السيد
ومن فيكم المستر يا خلتي
انا كيف اقول يا ناقتي نخي
وانتي طول عمرك جمل المحامل
سمعت نغمة ازعجت مخي
سألت قالوا تكتيك يا جاهل
إن رخوا نشد
وان شدوا نرخي هيك انشهرنا في المحافل


انا راجع ارعى الغنم واحكي القصة للغنم
بلكي ان فهم الغنم وفهموني
برجع ليك ويا معود إلا التكتيك

راجع أرعى غنامتي ..يمكن استوعب أكثر
ولجل أسلم بعقلاتي راح ابيع الترنزستور
يا عالم أريد أخلص واشتري بحقه راديو
بالسلم بيرقص بالحرب بيقرأ قرآن
ويقولوا هذا تكتيك خلونا نبطل تكتيك
يا معود إلا... تكتك تكتك تكتيك

بسم الله الرحمن الرحيم

فكرت كثيرا هل هي مشاركة ثقافية ام سياسية ... واستقر رأيي على أنها سياسية بامتياز "

يا قادة العرب يا سادات يا أعيان = هذي فلسطين بدها جيوش تحميها
أما السياسة تياسة وضحك عالأذقان = لا تتبعوها وخافوا من دواهيها
ودولة بريطانيا أمكر من الثعبان = والموت في نابها ساعة تِلَوّيها
اللوم كلّو عليكم يا ذوي التيجان = هذا اعتقادي ونفسي لا أبريها
نحنا طلبنا وصيحنا بفرد لسان = حتى نسلح فلسطين ونقويها
قلتم لنا اطمئنوا أيها السكان = نحنا فلسطين عنا جيوش تكفيها
عدنا انتظرنا وبقينا نرقب الميزان = ونفوسنا في معونتكم نمنيها
وف بالنا ملوك سبعة عندنا يا فلان = انكان ثارت بني صهيون تفنيها
ما جال باْفكارنا (شرتوك) أو (ويزمان) = يربح على ملوكنا السبعة ويرديها
وانكان ضغط السياسة حجة الغلبان = ظلي دموعك أيا فلسطين صبيها
لما بيرضى المستر (بيفن) و(ترومان) = في إم عينِك فعايلنا تشوفيها
من بعد ما تهدمت عاروسنا الحيطان = ومن بعدما رواحنا وصلت تراقيها
ومن بعدما يسيل دم ولادنا طوفان = واكبادنا الجوع يقتلها ويهريها
ومن بعدما يصير ثلاث رباعنا بليان = بدها ملوك العرب تنقذ بواقيها
نشكي ملوك العرب لله والقرآن = وللهاشمي وصاحب الإنجيل نشكيها
نشكي حياة الهوان وفرقة الأوطان = شكوى أليمة ومين اللي يراعيها
واللي بياكل على جسمو عصي وقضبان = ما هو شبيه الذي بالعد يحصيها

-----------------

راح الرسول ورجع قللي إنِتْ غلطان = أرسلتني للملوك وقلت انخيها
لاقيتهم كل منهم بالذهب طمعان = ونكبة فلسطين في صهيوني ناسيها
وحب الزعامة مرضهم ضيّع الإيمان = فيهم وضاعت عروبتنا ومباديها
تخمين ضاع الضمير الحي والوجدان = وتبعوا الزعامة وما فهموا معانيها
جار الزمان وعلينا سادت العبدان = سودا ليالي الشقا الله يجازيها
يا ريت عشنا بأمة عمر أو عثمان = أو كان حيدر أو الصدّيق بانيها



مرسال نادي الشعوب تْْجُول بالميدان = بلكي بقية نخا للحرب تدعيها
هذي ملوك العرب ما في عليها ركان = والأجنبي مسيطر عليها وطاغيها
يا حيف يا حيف يا حسره يا خسران ----ياللاسافه ويا خيبة امانيها
وختام قولي تحية خالصة وشكران = لا كل مخلص بلاد العرب يفديها


منقول-- منقول