( العقبى لك والناس عائدة ) ،،، عقبالك والناس مروحة : هذا هو المثل الذي يقال لمن راحت عليه ،،،
أمي حبيبتي مصر الغالية : ليييه من زمان ما عملتيها ولييه تركتينا يمه نبوس إيد اللي يسوى واللي ما يسواش ،ليييه سبتينا نضطر نركب البحر وسبتي اللي ما يعرفوش ربنا يتحكموا فينا ،،، ليه سبتينا يمَّه ، مش برضه ده حرام يمّه ولا إيييه ،،،
يا ترى يمّه حشرب تاني كبايه لبن قبل النوم من إيديك الحلوة الطيبة ، وحتسيبيني آكل من فطيرك المشلتت تاني ، ولا حتبعتيلي شوية عسل أبيض وجبنه بيضا وشوية مش زي زمان ،،،
مش عارف يمّه خايف يومين بس وترجعي تبني السور الفولازي بيني وبينك وتسكري المعبر تاني يمه ؛ ويتحكموا الأبالسة والبلطجية فيه تاني ،،،
سامحيني يمّه : أصل جوزك الوحِش ، لما طرني النوبة اللي فاتت قال لي : إزا عتبت البيت ده تاني حكسر رجلك ،،، أنا ما بحبوش يمَّه لأنه خادك مني ، أيوه هو وحش معايه خالص ،،،
بقولك إييه يمّه : كل ده وأفضل أحبك ،،، أيوه يمّه أحبك ،، من قلب صادق أحبك ،، رضاك عليه يمّه ؛ أصل سيدنا النبي (عليه الصلاة والسلام ) وصاني عليك وقاللي :
(( الله الله في السحم الجعاد )) ،،، عشان كده يمّه حتفضلي : (( ست الحبايب )) ،،،
لا اله الا أنت سبحانك أني كنت من الظالمين 
