يا غزة ما بقى للنفس عزة *** وأنا أسمع صرخة النجدة يا غزه
وعن لبيك معقود لساني *** وعن نجدتك ما للحي فزّه
لجام الصمت حتى لو شجبنا *** يبرطم فعلنا والصوت جزّه
ما عمر الصوت رد اللي بكيناه *** ولا زال البكا في كل حزّه
قتل صهيون في غزه شهيد(ن) *** وحنا أحياء قتل فينا المعزّه
نعيش مجردين من الكرامه ***وثوب العار ما من زود بزّه
حنا بالله والله ثم تالله *** ما تغرينا الحياه بدون عزّه
إلى الله أشتكي بثي وحزني *** وهم(ن) صار في صدري ملزّه
أعزي كل مسلم في ضميره *** وأوصي كل حي أقول عزّه
شعارات العرب : ( حنّا ،، وحنّا ) *** وألا بالفعل بالمعنى منزّه
حياة الذل فيها ألفين موته *** ولو كانت على كشخه ورزّه
وأنا مسلم وأشووووف انسان مسلم *** يموووت وبالنظر ما غير أخزّه
تحزّ بخاطري دمعة يتيمه *** وكم من خاطر(ن) غيري تحزّه
جفل من فوق غصن القلب فرحه *** تقول ان دمعة الطفله تهزّه
(صلاح الدين) يا غزه توفى *** ولا فينا صلاح(ن) لك يا غزّه
يا غزه ما بقى للنفس عزّه *** وأنا اسمع صرخة النجده يا غزّه
وعن لبيك معقود(ن) لساني *** وعن نجدتك ما للحي فزّه ،،،،،،
،،،،،،،،،،،
منقوووووول
لا اله الا أنت سبحانك أني كنت من الظالمين 
