جمعة رد الجميل لأمن الدولة

الشيخ عبد الرحمن السديس
الشيخ عبد الباسط عبد الصمد

بسم الله الرحمن الرحيم

في زحمة الأحداث التي تعم المنطقة كنت افتش عن دور المرأة في هذا الزلزال الذي يشق الأرض العربية وهذه العاصفة من الأحتجاجات الراغبة في التغيير , فقد أفادت المشاهدات على الفضائيات وفي الميادين أن دور المرأة في كل هذا كان فاعلا ومؤثرا , وأن لم أستطع أن اسجل دورا مميزا لبعدي عن الأحداث , فقد كانت المرأة حاضرة شخصيا وبذاتها في الميدان , وأن لم تحمل حجرا أو سيفا أو مشعلا , فقد رأيناها وجها لوجه مع قوات أمنية قاسية الوجوه لئيمة وحاقدة تملك صوتها وارادتها في مقابل العصي الكهربائية وقنابل الغاز ورشاشات المياة الحارة والسيارات التي تدهس الجماهير , كان حضورها ملفتا للنظر , فهي مشاركة جيدة في تشجيع الشباب ودعمهم ومدهم بالعون كالأسعافات وتوفير المياه والطعام بالأضافة الى الأثر المعنوي , فهي الأم والأخت والحبيبة , كان وجودها ضروريا لتثبيت الشباب , ففي الحروب كانت النساء يقفن خلف الرجال يزغردن للأبطال في كل عمل مجيد حيث تأبى الرجولة أن تتراجع بوجودهن , فكيف يفر المقاتل وعيني حبيبنه ترقبانه , مستحيل أن يحدث هذا في الأوساط العربية , المهم أن الكثير من النساء لم ينزلن للميادين , ليس خوفا ولا تكاسلا , وأنما كن في عمل دائم لنصرة الثوار , فالأم توقظ ولدها في الصباح كي يذهب للميدان وتودع زوجها حين يغادر برفقة الرجال للتظاهر , فلعلها لا تراه ثانية الا صورة معلقة على جدار في احد الميادين في لوحة الشهداء , على كل حال , أصابني القلق من وضع نداء على الصفحة الأولى للمنتدى يسأل عن الصديقة " فتافيت " وهي تملك مدونة وناشطة وتكتب عن أحوال مصر , ففي تجمعات مليونية قد تضيع الصور الشخصية للناشطين , ولأننا لا نعرف اسمها الحقيقي أو شكلها , فقد تكون ربما ظهرت في الصورة أو أنها كانت تعمل في الظل لا ندري , ثم تبين لاحقا أنها كانت تعمل على الفيسبوك خلال الأحداث الأولى كما قالت في بوست على صفحتها الرئيسية والحمدلله , لذا نرجو من الصديقة فتافيت وقد كانت تعايش لحظات الحسم وقريبة من " المرأة عموما " أن تزودنا بقصص معينة ومميزة عن دور المرأة في هذه الثورة المجيدة , قصص قريبة منها أو سمعت عنها مع عميق الشكر .
--------------------
06 مارس 2011
جمعة رد الجميل.. لأمن دولة

أنا فضلت التواصل من أول الثورة على الفيسبوك
المعلومات هناك أسرع وأسهل في التداول وتحري الصحة
لكن النهاردة... ما كنش ينفع أبداً
ما أسجلش موقفي على المدونة بتاعتي

أول مرة أحزن كده..
وتكون صدمتي في الشعب المصري للدرجة دي!
معقول وصلنا للدرجة دي من عدم الضمير.. معقول وصلنا للدرجة دي من الجحود ونكران الجميل؟؟
أزاي أي مصري محترم أصيل.. يوافق إن أمن دولة يتجمد؟؟
يتجمد وفي البرد ده كمان؟؟ طيب حتى يستنوا للصيف عشان ما يجيش لأمن دولة نزلة شعبية!

أمن دولة، أول حد دخل خدمة كهربني شكراً
وكان في منتهى الكرم يديك كهربا على قد ما يديك ومن غير عداد ولا وصل ولا مصاريف نضافة!

أمن دولة، أخترع خدمة أنفخني شكراً
عشان خاطر الشعب المصري يحافظ على مظهره، لأن كنا داخلين على مجاعة وكانت الجزيرة الوحشة
هاتصورنا وإحنا رفعيين خالص زي النجير فأمن دولة قال ينفخ الشعب عشان يبقى حلو ومكلبظ!

أمن دولة، نمى مهارات الشعب في أصول التخيل والإبتكار
لما يرسم لك سلم على الحيط ويقولك أطلع، يعني بعد ما يعلمك المشي على الحيط، تعمل معاه كده؟.. يااااااه مش مصدقة!

أمن دولة، كان بيحافظ على شباب مصر من المعصية
بعد ما المغريات بقت كتير في الشارع المصري، خاف على الشباب من الإنحراف، فبقى بيعتقلهم في العشرينات
ويخرجهم في الإربعينات عشان يبقوا نضجوا وما ينجرفوش إلى الرزلية، شوفتوا التقوى!

يعني لو أبوك عمل معاك كل ده، هاتردله الجميل بإنك تجمد؟؟
يعني أمن دولة عاش معانا وعيشنا معاه سنين
وفي الأخر ده يكون جزاءه؟
مش مصدقة بجد.. يعني المعتقلين بعد ما قعدوا في زنازين أمن دولة
متكهربين، منفوخين، واكلين نايمين مايتين، ويعملوا كده؟!
قلة أصل صحيح!
يا جماعة أنتم مش حاسيين بالكارثة أصلا
دلوقتي بعد تجميد أمن دولة، هاتحصل أزمة كبيرة جدا، السد العالي مش هايكفينا كهربا
يعني دلوقتي إحنا هانور بكهربا السد العالي، ولا هانتكهرب بيها؟؟؟.. هاتبقى فيه أزمة كهربا حقيقية
وبعدين من دلوقتي سعر النفخ في البنزينات زاد الضعف، هايعمل إيه بقى المواطن العادي؟؟ عشان يوفر لعائلته مستوى نفخ محترم؟؟؟ ولا هاتوصل بينا الحالة إننا نتنفخ عند العجلاتية بقى؟؟ أتقوا الله هانتنفخ فين بعد أمن دولة؟ مافيش إي إحساس بالمسئولية خاااااااااااالص؟ الشعب هايمشي يهرش ويشد في شعره.. عشان مش لاقي نفخ وكهربا بعد ما كانوا متوفرين له مجانا في أمن دولة!

أنا بناشد كل معتقل أصيل، وكل مصري يقدر العشرة
ننزل يوم الجمعة الجاية نرد الجميل لأمن دولة
الشعب وأمن دولة إيد واحدة
بعد المجزرة اللي حصلت في الإسكندرية لأمن دولة..
أنتوا متخيلين يعني إيه متظاهرين
يهاجموا رصاص أمن دولة بصدورهم؟!
إيه مافيش إنسانية، مش رصاص حي ده، مش حرام!
والرصاصة يا عيني تطلع تلاقي صدر قصادها
ويا تدخل صدره وتطلع من الناحية التانية ميته على
ويا صدر المتظاهر يبلعها!
فين حقوق الرصاص تيجي تشوف اللي بيحصل.
مافيش عندكم رصاصات صغيرين تخافوا عليهم؟!

إحنا لازم ننزل في كل ميادين مصر
ونكون متكهربين ومنفوخين، وناشد كل واحد ربنا فاتحة عليه
ليك أخوات مش هاتقدر تدفع تمن الكهربا بعد
ما فقلوا منفذها المجاني الوحيد
هات معاك صاعق كهربي ومنفاخ محمول.
وكهرب أخواتك وأنفخهم في الميدان
لأزم كلنا نكون إيد واحدة لحد الأزمة دي ما تعدي
وكل متكهرب يكهرب أخوه اللي مش متكهرب
ونغمي عيونا ، وتربط إيدينا ورجلينا، عشان
نعرف أمن دولة إن تعليمه ما رحش هدر
وبقينا بنعرف نمشي في الضلمة، ونط نطة الأرنب كمان!
وأنا أوعدكم.. إن أول ما نضغط على الجيش
يرجع أمن دولة ولما يرجع....
ها يدخل خدمة كهربني شكرا وأنفخني شكرا
في كل بيت في مصر
مش لازم تتعب نفسك وتروح لحد أمن دولة
أنت أتصل ويصلك مندوبنا أينما كنت.. وبدون مصريف شحن
وبرضو أنا متأكدة إن أمن دولة، هايصرفلنا شهرين تعذيب
ونفاخة بالكهربا مع كل بطاقة تموين، وقفنا جنبه
لازم كلنا نتكاتف يا جماعة عشان أمن دولة يرجع!.
ولو حد نسي كفاية
إن يحط لامبة على أي حتة في جسمه.
ولما تنور هايفتكر أمن دولة
يعني الحزب الوطني راح ومعاه الخمسين جنيه والكنتاكي
والفريق شفيق راح ومعاه البلوفر والبونبوني
ودلوقتي أمن دولة يروح ومعاه النفخ والكهربا؟؟

أوعي تنسي أمن دولة يا مصر
أوعي تنسي أمن دولة يا مصر

هلا اختي ايش حالج ولا مبارك عليكم بنصر الثورة العظيمة مب لشباب التحرير فقط لكن لكل شباب مصر الغاليين الرجالة لهم كل الشكر والتقدر واقدم عزائي الي اسر الضحيا ةالشهدء .. المصريين اتمني من الله ان يوفق رئيس لمصر يخاف ويرعي شعبة الي الخير والبر والتقوي قولي امين سيما ..لكن اختي نرجع لموضوع امن الدولة اختي سيما مب بكل دولة فيها جهاز امن الدولة وخاصتا في مصر اي شاب ملتزم يطبق سنة نبينا الكريم ياخدووة وتاركيين الحرامية والنصابين لكن الي اين الشعب المصري اغلب اليعاقبونهم امن الدولة المصري هم السياسيين سبحان الله ادعو الله يوفق الشعب المصري الي ما يحبة ويضاة مشكوريين اختي علي الموضوع الجميل ولكن في النهاية ااختي سيما اقولج شي من المفروض يسون مظاهرة الجمعة مشان يكنصلللون امن الدولة من مصر مب رد الجميل ليش هما ايش سوي لنا زين ما سوي لنا شئ زين بالمرة اعتقالات ونفخ وكهرباء وما ادري وشو ايش صار في هالشعووب وغيررةة من التعذيب بطرق اخريي حرمها الله ... انا اناشد المسؤؤولين لا لأمن الدولة ....

سيما.. مشكورة على سؤالك
مصر كلها كانت بتثور... حتى الستات اللي في البيوت
اللي مش قادرة تنزل او تروح تتظاهر كانت بتقضي يومها كله دعاء للثوار
أتذكر أم أحد الجرحى.. كانت كل يوم تصحي ولادها من النوم عشان يغتسلوا تحسبا للشهادة
وتنزلهم المظاهرات... من أول يوم.. لحد الأربعاء الاسود 2 فبراير.. واحد من ولادها اللبطجية اللي هاجموا التحرير اتلموا عليه بالشوم... دمروا له الضهر وشرخوا الجمجمة
كان مهندس زي الفل وشغال في الخليج... وغني ووسيم.. يعني البلد مش مأثرة معاه
ومع ذلك نزل وقدم نفسه للبلد.. دلوقتي ربنا يشفيه يارب... مابيقومش من ع السرير عنده شلل كامل
ومع ذلك مامته نزلت اخوه التاني لحد يوم اقتحام امن دولة.. وكل مليونية
وقالت انها كانت مقدماهم شهداء.. وربنا شاء إن ابنها يتشل.. شلل العزة.. كانت بتتكلم
بمنتهى التماسك والايمان... وفرحانة بابنها البطل جدا
والشهيدة أميرة... بنت العشرين ربيعا... قتلوها غدر في ضهرها
القناصة ضربت بنت في سنها... وفي ضهرها وهي يتجري بعيد عن عربية بتدوس الثوار
ومئات البنات اللي اتقبض عليها... في اول 3 ايام من الثورة... تم تعذبهم
بطريقة ممنهجة في امن دولة... بحلق شعرهم زيرو وضربهم ضرب مبرح.. والكهربا
يمكن مش حاضرني قصص دلوقتي... لكن اكيد هارجع تاني احكي لكم Smile

أبو شوشة

جهاز أمن دولة من أقذر الأجهزة في مصر
جهاز ظالم... كاااااافر.. بالمعنى الحرفي للكلمة.. حتى إن طريقة تعذبيهم
فيها إهانة للذات الإلهية .. والتعدي على الله ورسوله
بالاضافة للضرب وهتك العرض والكهربا والسحل.. وكل طرق التعذيب
سواء معنوية او جسدية... بأفظع الأساليب
أنا لما كتبت جمعة رد الجميل.. كانت جملة تهكمية ساخرة
لان في مصر عندنا ظهرت في الفترة الأخيرة حملات إحنا أسفين يا... وجمعة رد الجميل لــ
وكانت الحملات دي ما بتحصلش إلا للفاسدين بس... واللي بيقوم بيها ناس مأجورة
عشان كده حبيت أتريق عليهم وأقول جمعة رد الجميل لأمن دولة
اللي ربناا يرد كيد كل ضابطه في نحرهم

الحمد الله علي كل حال .. اعتقد ان جهاز امن الدولة في مصر الحبيبة تحل يعين ما في جهاز امن الدولة والظباط وزعوهم علي الامن المركزي وبعض الاجهزة اتمني ما يرجع ثانية ونريد الحرية لشعبنا الشعب المصر بعد القبض علي فزعة الفساد الرئيس وابنائة وعز وجرانة والعدلي راس التعبان الافعي ادعو الله لايريهم يوماُ اسودا ..
اخيكم ابوشوشة

» نتنياهو يضع شرطين تعجيزين لاقامة الدولة الغلسطينية
» شهادة ميلاد أحد أبناء الدوايمة زمن الدولة العثمانية ،،،
» جمعة مباركة
» نحن أم الزمن الجميل ,,؟؟!!
» مقتطفات / أخبار من كل يوم جمعة