ابسم الله الرحمن الرحيم
الشيخ بدها تكون عباته مليانه فهم وعلم وحكمة وتوازن .. الشيخة مش قروش ومش كروش .. الشيخة عنوان وكرم وتأليف قلوب
الشيخ هو خادم القوم .. جماعته وغير جماعتة .. يعرفهم ولا ما يعرفهم .. لأنه هو بطبعه شيخ .. عنده عزة نفس .. صدقني ان الشيخ الحقيقي لا يبني عزه على ذل الآخرين ولا يبني غناه على فقرهم ولن يكون الشيخ شيخا الا أذا تواضع لأهله

اجتهدت مجموعة خيرة من ابناء الدوايمة على عمل صرح خير الى اسم بلدهم وياخذوا حجم بلدهم
في المحافل السياسية الاجتماعية مثلهم كباقي العشائر على الساحة الاردنية
وقد اخذت هذه الفكرة جهدا كثيرا وطويلا ونقاشات كثيرة حتى تمحضت بفكرة ومسمى كبير وشامل
وكل افراد هذه المجموعة الشاملة لكل عشائر الدوايمة --
الا انه لم يروق لبعض الافراد المدعين بالشيوخ من ابناء الدوايمة ولا يعملون الا من اجل مصلحتهم
ومنفعتهم الخاصة
وقد كنت في جلسة حوار مع ممن ادعو الشيخة وفرضوا انفسهم على الاخرين بحكم المكان الذي
يعيشون فيه ولا يهمهم مصلحة الاخرين بقدر ما يهمهم مصلحتهم الخاصة محاولين تعطيل هذا
الجهد الخير الذي يقوموا فيه ابناء الدوايمة
وكان الحوار ساخنا فقال لي احدهم نحن5000 شيخ
فقلت له ماذايعني 5000 شيخ
فقال يعني5000 راس - وهنا تبسمت
فقلت له:هل تستطيع اعطائي مواصفات الشيخة التي تجملها انت
وهنا رايته عند الباب- واخر منهم نسي عبا ءنه
فقلت له يا شيخ لقد نسيت هويتك - والي مش ظاري على البخور --------
وانا من خلال هذا الحوار اريد - ما هي المواصفات التي يجب ان تتوفر في الشخص حتى يكون
شيخا او نعتبره نحن شيخا
وسلامتكو

ابو[/size] ياسر[/color]

السلام عليكم ورحمة الله

ابتدئ بالسلام !! والسلام قولا من رب رحيم
لا اقصد يا سادتي الافاضل بقنابل ما تعرفونه انتم من اسلحة دمار شامل
لو نحن في فلسطين بتعرف وين طريقها !! ع اليهود فقط مش على اخواني واهل بلدي
لسه في حكي راجع !!

السلام عليكم
والله مش عارف مين معنا يا ترى
بس لو نعرف الاسم
يعني حابين بصراحه نرحب بضيفنا هنا
اهلا بابن بلدي عموما
وهلا باهلي وربعي
اسال الله ان تدوم الاخوه بيننا
ما اجملكم رغم المسافات
ننتظرك بلقاء جديد ومهما حملت من تساؤلات
ونحن هنا بنرحب فيك وكل الاحترام والتقدير والعطاء
واسال الله ان يوفقنا واياكم الى كل ما يحبه ويرضي الله عنك
وان كان على الشيخه فامام الشيوخ نحن نفس المستويات
حياكم الله وما فيش لا قنابل غاز ولا رشاشات
هي بس شوية سوء فهم لكن بالاخر نحن بلديات
بس انت تفضل ولا يهمك سرعة الاجابات
هلا وحيا الله
بنت الدوايمه

السلام عليكم يا اهلا ابو خضره
والله ابن بلدنا شهم ومتكلم ما شاء الله عنه
ويبدو عنده سعة صدر وجريئ ما في منه
لكنه يتسرع بوصفه احيانا بس لو انه يستنى
على العموم هو يبدو ما لو زعلان لكنه يتمنى
يكون الشيخ باحلى وصف فعلي والعبايه حينها تلبق له
يالنهاية هو ما بيفرض رايه لكنه يخبرنا انه من الدوايمه
وهاذي البلد مقدارها كبير واهلها ناس كريمين والاصاله منبعهم
يا حياكم الله وجزاكم الله خيرا

السلاااااام عليكم يا اخواني

ما بعرف انو مروري السريع ع المنتدى رح يعمل هيك طنة و رنة ههههههه

القصة اني بغيابي انشغلت بالدنيا شوي

رحت اسجل للانتخابات على اني مواطن صالح !! بس وقت الجد ما بقول الا مصلحة البلد
اللي عمرناها فوق كل شيء وللعلم لو نزل العم ابو ياسر ع الانتخابات لانتخبتو بس لطيب اصلو

ومش رح انتخب اي شيخ دايمي بدو يصير نائب على حساب اهلو وبحب الكبر ع خزوق )) في فتحة ع حرف الكاف و الباء ))

مين انا
هاي بلا منها ........ لاني دايمي بس قررت احب الدوايمة من جديد !!


اما ع عزومة الكرشات تسلمو يا جماعة الخير كرماء وما بتقصروا بس انا دايمي عصري
الكرشات ما باكلها لو كانت من تحت ايدين الحجة وطفة !! ع سلامتها
تهنوا فيها بلاي !! صحتين وعافية


برأيي الصحة كويسه بدهاش كرشات !! اصلا عندي قناعة انو الكرشات بتوسع كل شي صالح و طالح والمعدة بيت الداء والدواء ف ليش اكل شي مش مقتنع فيه !!


بس الفضول الزايد مش كويس !! خلينا احباب و اصحاب ونناقش ما هو مهم لديننا ودنيانا

سلامات يااخوان

كان لي راي بالشيخة ونسيت احكيه قصدت من هالموضوع انو ع قولة اخونا احمد
لو دوررنا ع واحد يدعي الشيخة وانو شيخ ايام البلاد ما ح نلاقي !!

القصة انو زمان كانو الشيوخ ولاد صغار بعد م ماتوا الكبار طبيعي انو العم او الاخ ( يعني اللي ظل عايش بحكم السن الاكبر كان لازم عليه يدبر امر عيلتو يعني مات الشيخ ابو صقر مين راح يدير بالو ع الدار و الحريم اكيد صقر لكن صقر مش قد هالحمل كيف رح يدبر حالو وسلامة ام صقر العقل المدبر بصير صقر يوخذ من امو النصايح المشاورات ويعرضها ع الناس انها من بنات افكاره وبصير صقر الو صيت بين العربان !! وبعرفوش انو ام صقر السبب

و الدنيا دوارة !! والشغلة بالوراثة يعني ماتت ام صقر مين رح تدعمك ياصقر !! سلامة زوجتو !! بصير صقر يسمع منها ويدبر أموره!!

وقيسو يا افاضل ياكرام على كل مين ادعى الشيخة بالوقت الحاظر !!


بتطلع النسوان هن سبب كل شي بالدنيا !!

من طلعة ابونا ادم من الجنة ل سبب نكسة العرب بحرب 67 ل سبب حرب
البسوس و الزير سالم ل سبب طلاق فلانة من علان ل سبب جلطة ابو صقر لو ظل عايش !!


فهمتوا شي !! اكيد لا بس انا بحب امي و اختي و مرة عمي ومرة سيدي و مرة ابوي
وكل النسوان !! بس لا توخذو برأيهن لانهن سبب البلاوي !!


وهاي حرب الله اعلم وين بتودي !!

بارك الله بيكو يا جماعة !! بس ما انا في الدنيا الا اعابر سبيل !!

شدني للمنتدى اني حطيت فجأة اسم سيدي اللي مات في البلاد في عين السلطان سنة 1964
كنت في بالي بقول الله يرحمو لانو جاب ابوي !! و ع الجوجل طلعلي اسمه كان شاهد على زواج
س من ص و على فلانة من علان !!

كبرتو في عيني وحبيت اشارك بأرائي و بعرف انها حادة شوي بس قلت ما في صدر وسيع الا
منتدى عمنا الشيخ ابو خضرة !! ونادرا م نلاقي شيخ مثقف ملم بالماضي و الحاضر زيو
و رجل عصري كمان !! مواكب التكنلوجيا

يا اخوان عزومة الشيخ ما تنرد !! لكن خليها للايام و متى م بدكو كرشات روحو هالحين عند عمنا و اشهد بالله انو الشيخ ابو خضرة ما يقصر !! بس اعفوني منها هالحين الى اجل غير مسمى !!


** ان شاء الله بس ترجعلنا الدوايمة رح نوكلها سوا ) ولو اني ما بحبها بس لعيونكم رح اكلها بمعيتكم ان شاء الله !!


و اكييييد رح نتعرف على اهل الكرم واالجود !! عينو خير وقولو ان شاء الله