ياطروش ،،، قصيدة أب يدعو على أولاده ،،،

يا طروش ياالي ناحرين المراجيب *** تريضولي وقصروا من خطاكو

خذوا كلام الصدق ما به تكاذيب *** يا مرافقين الخير حنا وياكو

هذيت بكم ابراجين وابوادي سلاحيب *** ولاقيت بالصبخه مدافيق ماكم

ثمانية سنين أرطب القلب ترطيب *** وتسعه وأنا ترجا حداكم

عاد خوالكم ماهم مرويين المغاليب *** وما تعلمون هالردى منين جاكم

وحفيت رجولي بسموم اللواهيب *** خليت لحم الريم يخالط عشاكم

ويا عيالي ما ظربتكم بالمصاليب *** ولا خليت الجيران تسمع جضة بكاكم

يوم قمت أتعكز فوق عود المذاريب *** وقصرت خطاي يوم طالت خطاكم

يا عيالي ما سرحتكم مع المعازيب *** ولا على الصقعه كليتم غداكم

عسى نساكم لا تحبل ولا تجيب *** والشمس مصليه ، ويعتم عليكم سماكم ،،،
،،،،،،،،،،
انتهت : (( هذه القصيدة رواها لي بنصها هذا صديقي سلطان العجرمي حفظه الله ))

هي في الحقيقة للشاعر فريج السرحاني من الجوف ويقول فيها :


ياطروش ياللـي ناحريـن المراقيـب
تريضولي واقصـروا مـن خطاكـم
واخذوا كلام الصدق مابـه تكاذيـب
ياموافقيـن الخيـر حـنـا ويـاكـم
شديت بيكم راجـل وادي سلاحيـب
ولقيـت بالركبـه مدافـيـج مـاكـم
ثمان سنين وارطب القلـب ترطيـب
والتاسعـه ولا اتـرجـى حـداكـم
ياعلـي مـا ضربتكـوا بالمصاليـب
ولا سمعت الجيـران لجـة ابكاكـم
ياعلي ماسرحتكـوا علـى اجانيـب
ولا علـى الصقعـه كليتـوا عشاكـم
اسرح مع الخلقـان وارافـق الذيـب
من خوف لا ينقـص عليكـم قراكـم
واحفيت رجلي بي سهـوم اللواهيـب
خليت لحـم الريـم يخالـط غداكـم
وياما شريت السمن من عرض ماجيب
يفـز قلبـي يـوم يبكـي حـداكـم
قمت اتوكا فـوق عـوج المصاليـب
قصرن خطاي يـوم طالـت خطاكـم
تروشنـي روش النعـاج المجاريـب
ولا حـديــة مـــن نـسـاكـم
يا عيال دوكـم لحيتـي كلهـا شيـب
هـذا زمـان قعودنـا فـي ذراكــم
لا بـد يـوم عـاوي دونـي الذيـب
بالقبر ما افرق طيبكـم مـن رداكـم
ماني بفاضحكـم بوسـط الاجانيـب
بافعالكـم يـدرون كــل اقربـاكـم
لوكـان تـدرون الـردى والمعاييـب
صرتوا مع المخلوق مثـل اخوياكـم
اخواكـم بالطيـب تـروي المغاليـب
واذا تبعتوا الجـد مـا احـد شناكـم
وهبيت ياجيـل الخنـا كلكـوا عيـب
ياللـي علـى الوالـد كثيـر لغاكـم
يالله عسى انساكم لا تحبل ولا تجيـب
والشمـس مطفيـه وتعتـم سمـاكـم
انتم بـدن بيكـم صفـر العصاريـب
ماهـي معـزه ســود الله قـراكـم

او تلك الابيات :


ويا طروش يلي ناحرين المراجيب
واتريضولي و قصروا من خطاكم
واخذوا كلام الصدق ما به تكاذيب
وياموافقين الخير حنا وياكم
وهديت بيكم رادلن لوادي سلاحيب
ولقيت بصة خامدة في جماكم
وثمان سنين ارطب القلب ترطيب
والتاسعة وانا اترجى حداكم
واجيكم عن الوعر مع تداريب
ومن خوفي يابوي عايل يجهد بلاكم
واسعى مع الخلقان وارافق الذيب
ومن خوف لا ينقص عليكم عشاكم
و عيال ما سرحتكم مع الاجانيب
ولا عالصقعة كليتم غداكم
ويا عيال ما ضربتكم بالمصاليب
ولا سمعت الجيران جظة بكاكم
و احفيت رجلي في سموم اللواهيب
وخليت لحم الريم يخالط عشاكم
وقمت اتعكز فوق عوج المذاريب
وقصرت خطاي يوم طالن خطاكم
ويا عيال اخوالكم مروبين بالطيب
وما تعلموني هالردا منين جاكم
وهبم يا جيل الخنا كلكم عيب
يلي على الوالد كثير لغاكم
وانتم تبعتم صفر العراقيب
ما هن معزة سود الله قراكم
وريت نساكم ما تحبل ولا تجيب
وتقعد بطالة جالسات بلاكم
وعسى قمركم لا يطلع و لا يغيب
والشمس مطليه ويعتم سماكم

قصة القصيدة منقولة :
يقولون فيه رجال ماتت مرته وتركت له كم ولد وتعب بالحيل في تربيتهم الين صاروا رجال كبار ورفعوا انفسهم وبعد ماكبر ابوهم وزوجهم تدهورت حالته وانشل وكف ( يعني صار كفيف ) المهم عياله وزوجاتهم ملوا من الابو المسيكين وكل واحد يقول للثاني خله يجلس عندك في بيتك المراد ان حريمهم اتفقوا انهم يتخلصون من هالابو المسيكين ويرمونه في البر فدبروا حيله وهي ان كل وحده تقول لزوجها عن الحيله هذي واذا رفض تقوله ان اخوانك موافقين بس ينتظرون موافقتك المهم انهم علموا ازواجهم خطتهم والعيال وافقوا وبقى تنفيذ الخطه واتفقوا انهم يقولون لابوهم انهم بيطلعونه للبر معهم ووافق الابو وفرح بهالطلعه وبعد ماقعدوا وتونسوا قرروا انهم يرجعون وقاموا وتسحبوا بشويش وضفوا اغراضهم وحريمهم وبزرانهم وهجوا وخلوا الابو بلحاله لاحيل له ولاقوه وهو كفيف ومشلول وانتظر الابو ونادى على عياله ولامن مجيب ؟؟؟المهم من بكرا او بعده سمع طروش ( يعني قافله ) وصوت لهم وقال هالابيات يسند على ابنه علي :

ياطروش ياللي ناحرين المراقيب *** تريثوا لي واقصروا من خطاكم
خوذوا كلام مسطرن بالمكاتيـــب *** وردوا به العلم للي وراكــم
ياعلي ماصبحتكم بالمشاعيــــب *** ولاسمعت الجيران لجة بكاكــم
وياعلي ماسرحتكم مع الاجانيــب *** ولاخليت المعلم يلاكــــــــم
حفيان رجلي من شهور لواهيـــب *** من خوف لايقصر عليكم عشاكــم
يانعنبوكم منبتكم منبت الطيـب *** ياعلي هالردى منين جاكــــم
ياعل نساكم مايحملن ولاتجيـــب *** ويعيشن الرمل دايم بلاكــــم