شينك شناين / قصيدة ليبية

الشيخ عبد الرحمن السديس
الشيخ عبد الباسط عبد الصمد

شينك شناين
المرسل: العقوري الكزة
المصدر : جيل ليبيا
قصيدة للمرحوم وليد الرملي لم استطع نشرها من قبل خوفا على سلامة عائلة المرحوم في بنغازي
شينك شناين ياحليف صهاين
يا من كواين دايرات اصدار
مجنون باين مانفعش امعاين
وانضيف خاين درت شينة وعار
درت عيبة وسية
وعذّبت شعب ف ليبيا جمليه
لانك اصيل لانك ولد بيتية
ولانك حفيد الجدنا المختار
ولانك الي نطلق عليه تحية
مهزوب مانك من ضيوف الدار
عدي الله يطلق عليك بليّه
ونسمع عليك اتموت من خبّار
شينك طلّه
من يوم ريتك عيشتي منذلّه
لافيك وكل وعد اتخلّه
معروف عنك خاين وجبّار
يامن تعيس جاك انت طردته بذلّه
وقتّلت بيّه ومينته واصغار
سفاح دامي طينتك منحلّه
يعطيك ربي أدعوه اتجيك شي نهار
شينك رمّه
لانك امين ولانك حكيم الأمه
ولانك زعيم انت خسيس الذمّه
انشوفك قريب امرنّح ومنهار
معزوق والا منشنق بالعمّه
الي درتها فوق غفتك تذكار
ويرتاح منك شعبنا ومن ثم
انعيشو حياة اعزاز وانتصار

» قصيدة عراق الحضارات
» قصيدة حب الى سيف عراقي
» قصيدة ( ميســــــــــون )
» قصيدة بلقيس - لنزار قباني
» ياطروش ،،، قصيدة أب يدعو على أولاده ،،،